Të paktën dy zyrtarë të burgut janë vrarë në një pritë ndaj automjetit në të cilin po transportohenjë i burgosur në Normandi të Francës, raporton BBC.

I burgosuri po dërgohej në burg nga gjykata dhe ka ikur gjatë kësaj prite, përcjell gazeta online Reporteri.net.

Ministria franceze e Drejtësisë ka njoftuar se tre zyrtarë të tjerë janë të plagosur rëndë.

Zyrtarët janë sulmuar me armatim të rëndë nga bashkëpunëtorët e të të burgosurit.

Në ndjekje të tij janë angazhuar qindra policë.

Prokuroria franceze ka njoftuar se i burgosuri është Mohamed Amra, i lindur në vitin 1994. Ai ishte i dënuar për plaçkitje dhe i akuzuar për kidnapim që çoi në vdekje.