Presidenti amerikan Joe Biden ka ftuar homologun e tij rus, Vladimir Putin në një takim “në një vend të tretë”. Ftesa erdhi gjatë një bisede telefonike mes dy krerëve të shteteve.

“Presidenti Biden ripohoi synimin e tij për ndërtimin e një marrëdhënie të qëndrueshme dhe të parashikueshme me Rusinë në përputhje me interesat e SHBA dhe propozoi një takim të nivelit të lartë në një vend të tretë në muajt e ardhshëm për të diskutuar gamën e plotë të çështjeve me të cilat përballen Shtetet e Bashkuara dhe Rusia,” tha Shtëpia e Bardhë në një deklaratë të martën.

Shtëpia e Bardhë njofton se gjatë telefonatës e cila zhvillohet në një kohë tensionesh të ngritura Rusi-Ukrainë, Putini dhe Biden “diskutuan një numër çështjesh rajonale dhe globale”.

Po ashtu, ajo vjen pasi Joe Biden, kritikoi në mënyrë të fortë politikën e Kremlinit, duke e cilësuar presidentin rus Vladimir Putin si një vrasës.