Ekipi i Kamala Harris po përfundon Ditën e Zgjedhjeve me një optimizëm të kujdesshëm për rezultatet që mund të sjellë mbrëmja e sotme në SHBA.

Disa këshilltarë të lartë të Harrisit, të cilët kanë kaluar kohën e fundit në shtetet kyçe të fushatës, raporton CNN, pohojnë se po shohin shenja të rëndësishme të momentumit në terren në disa nga këto nga shtetete kyçe, si Pensilvania dhe Michigan.

Ata theksojnë se, gjatë javës së fundit të fushatës, është vërejtur një ndryshim tërheqës në dinamikën e garës. Sipas disa personave që kanë biseduar me Harris në ditët e fundit, ajo është përqendruar kryesisht në angazhimin me këshilltarët dhe në realizimin e intervistave radiofonike, ndërsa punon për të mobilizuar votuesit dhe për të siguruar që ata dalin në kuti, shkruan CNN, përcjell Gazeta Online Reporteri.net.

Mediumi amerikan raporton me burime të tij se Harris është e rezervuar për të diskutuar mundësinë e një fitoreje të mundshme këtë mbrëmje, duke theksuar se ajo ka qenë gjithmonë e prerë për të mos “matur perdet” para se çdo votë të numërohet.

Një nga bashkëpunëtorët e saj citohet të ketë thënë: “Ajo beson thelbësisht se duhet të presë që të numërohen të gjitha votat, përpara se të marrë frymë lirisht.”