Përkrahësit e Donald Trumpit kanë krijuar dhe shpërndarë fotografi të rrejshme të gjeneruara nga inteligjenca artificiale të votuesve afro-amerikanë me qëllim që t’i joshin ata të votojnë republikanin.

BBC ka zbuluar dhjetëra fotografi “deepfake” që portretizonin afro-amerikanët teksa përkrahnin ish-presidentin, raporton BBC.

Trumpi hapur ka kërkuar votat e afro-amerikanëve, të cilët kanë qenë vendimtarë në zgjedhjen e Joe Bidenit gjatë vitit 2020, përcjell gazeta online Reporteri.net.

Mirëpo nuk ka asnjë provë që e lidhë direktj këto pamje me fushatën e Trumpit.

Themeluesi i lëvizjes “Black Voters Matter”, ka deklaruar se pamjet e manipuluara janë shfaqur si pjesë e “narracionit strategjik” për të bërë përpjekje që të shfaqet Trumpi si shumë popullor në komunitetin afro-amerikan.

Fotografitë e rrejshme e përkrahësve afro-amerikanë të Trumpit, të gjeneruara nga inteligjenca artificiale, janë një prej trendeve të dezinformimit para zgjedhjeve presidenciale të muajit nëntor.