Franca ka vendosur që detyrimin për t`u vaksinuar ta nisë nga bluzat e bardha, ata që janë edhe më të rrezikuar dhe që janë në kontakt të vazhdueshëm me pacientë. Mjekët, infermierët, laborantët dhe gjithë stafet mjekësore kanë afat deri në 15 shtator për t`u vaksinuar, përndryshe do t`u pezullohet e drejta për ta ushtruar profesionin.

Vendimi është marrë për të shmangur çdo hezitim të atyre që janë ende skeptik.

Franca ka vaksinuar deri tani 50% të popullsisë, por jo mjaftueshëm për të shmangur rritjen e ndjeshme të infektimeve. Në ditë, orët e fundit po regjistrohen mbi 20 mijë raste të reja infektimesh. Shtrimet në spitale janë rritur dhe vjeshta duket se do të jetë e vështirë.