Një burrë ishte futur brenda një shtëpie private në Rochester të Nju Jorkut, për të kryer vjedhje brenda të cilës jeton një gjyshe 82-vjeçe nga e cila nuk u nda siç kishte menduar.

Willie Murphy po bëhej gati për gjumë gjatë të mërkurës mbrëma kur një personi trokiti në derën e shtëpisë së saj, duke pretenduar se i duhet ndihmë dhe se urgjentisht ka nevojë t’i telefonojë autoambulancës, transmeton Telegrafi.

Ajo pranoi se nuk kishte dashur t’ia hap derën, por thjesht t’i telefonoj policisë. Megjithatë ai u bë i dhunshëm dhe theu derën e shtëpisë së saj.

“Ishte errësirë dhe pasi jam e moshuar mendova të mos ia hapë derën. Por e dini çfarë, unë jam e fortë. Kishte zgjedhur shtëpinë e gabuar për ta plaçkitur”, tha kjo gjyshe e mbushur me muskuj.

Ajo pa u menduar dy herë kishte marrë një mjet të fortë brenda shtëpisë me të cilin kishte sulmuar hajnin. Madje në një moment kishte përdorur këmbën e tavolinës si armë të ftohtë me të cilën e kishte bërë për spital hajnin.

Murphy është kampione e shumëfishtë në bodybuilding dhe për çdo ditë ushtron në palestër.