Redaktorja e një ueb-faqeje ruse të lajmeve ka ndërruar jetë pasi ia ka vënë flakën vetes para një selie rajonale të policisë të premten.

Kjo ka ndodhur një ditë pasi oficerët e policisë ia kanë kontrolluar rezidencën e saj, shkruan Euronews, transmeton Klan Kosova.

Komiteti Hetimor i Rusisë e ka konfirmuar vdekjen e Irina Slavina – redaktore e Kolza.Press.

Salvina të premten ka raportuar se shtëpia e saj është kontrolluar nga policia, pa e pasur të qartë natyrën e kontrollit.

Ndërsa faqja e pavarur e lajmeve Meduza ka raportuar se Salvina ka lënë një mesazh në Facebook duke thënë se për vdekjen e saj duhet të fajësohen autoritetet ruse.