Një gjeneral i lartë rus i akuzuar nga Ukraina si përgjegjës për përdorimin e armëve kimike kundër trupave ukrainase është vrarë në Moskë, me një bombë të fshehur në një skuter elektrik, thanë hetuesit rusë të martën, shkruan Reuters, përcjell Gazeta Online Reporteri.net.

Gjenerali Igor Kirillov, i cili ishte shefi i Trupave të Mbrojtjes Bërthamore, Biologjike dhe Kimike të Rusisë, u vra jashtë një pallati në Ryazansky Prospekt së bashku me ndihmësin e tij, tha Komiteti Hetimor i Rusisë, i cili heton krimet e rënda.

Fotografitë e postuara në kanalet ruse të Telegramit treguan një hyrje të thyer në një ndërtesë të mbushur me rrënoja dhe dy trupa të shtrirë në borën e njollosur me gjak.

Pamjet e Reuters nga vendi i ngjarjes treguan një kordon policie. Hetuesit thanë se kishin hapur një çështje penale për vrasjen e dy ushtarakëve.

Burime të zbatimit të ligjit thanë për mediat ruse se ka të ngjarë të në një rast terrorizmi.

Rusia mohon akuzat e Ukrainës se përdor armë kimike në fushën e betejës dhe Kirillov, shfaqej ndonjëherë në televizionin shtetëror duke akuzuar Ukrainën për shkelje të protokolleve të sigurisë bërthamore.