Policia italiane ka arritur të shkatërrojë një grupim kriminal që merrej me trafik droge. Në pranga kanë rënë 4 shqiptarë dhe një italian.

Tre prej tyre janë dërguar në paraburgim, ndërsa 2 janë lënë në detyrim paraqitjeje.

Nga policia italiane u tha se trafiku i lëndës narkotike bëhej rregullisht nga anëtarët e bandës së dyshuar kriminale. Besohet se anëtarët janë familjarë me njëri-tjetrin dhe trafikun e drogës e kishin kthyer në “biznes”.