Ish-drejtori në detyrë i Inteligjencës Kombëtare në ShBA, Ricard Grenell, është planifikuar të flasë në Iowa këtë javë, mes spekulimeve të hershme që po bëhen se ai llogaritet si njëri prej mundësive për postin e zëvendëspresidentit të vitit 2024 për ish-presidentin Donald Trump.

Grenell është planifikuar të flasë të mërkurën përpara Klubit Konservativ Westside në Urbandale të Iowa-s, u njoftua në grupin e tyre në Facebook.

Në Twitter Grenell shkroi se ai gjithashtu do t’i drejtohet Qarkut Dallas të enjten dhe se do të flasë për “strategjinë e parë të Amerikës së Donald Trump”.

https://twitter.com/RichardGrenell/status/1538923693568425984

Trump nuk ka thënë nëse ai do të kandidojë për president të ShBA-së më 2024, por përgjigja e tij standarde kur u pyet ishte se mbështetësit e tij do të jenë “shumë të lumtur” me vendimin e tij.

Në një artikull të nëntorit për kandidatët e mundshëm, Politico.com raportoi se Grenell “është ‘rritur’ gjithashtu në vlerësimin e të njerëzve të brendshëm të Trump”.

“Trump e do Ric-un dhe ndryshe nga [Mike] Pompeo apo dikush tjetër, ai nuk ka interes të kandidojë për president. Kjo është një çështje e madhe për Trump,” i tha Politico-s një këshilltar i Trump-it.