Autoritetet greke kanë ndaluar një gomone, e cila dyshohet se përdorej për transportin e lëndëve narkotike.

Sipas medias greke “Protothema” në pranga është vënë edhe një shtetas shqiptar.

Po sipas mediave greke, dyshohet se gomonia e bllokuar i përket grupit që u kap disa ditë më parë, ku u arrestuan dy shqiptarë dhe një italian.

Personi i arrestuar sot dyshohet se ka lidhje pikërisht me tre personat e tjerë, të arrestuar me një gomone në ishullin Lesvos.

Operacioni i sotëm u zhvillua rreth orës 15:30 në ishullin Aegina.

Sipas autoriteteve greke, gomonet bënin shkëmbimin e kanabisit me heroinë në Turqi.