Hamasi tha se nuk e ka hedhur poshtë një propozim për armëpushim të paraqitur nga i dërguari i presidentit amerikan Donald Trump për Lindjen e Mesme, Steve Witkoff, tha për Reuters një zyrtar i lartë i Hamasit, Basem Naim.

Naim tha se përgjigjja e Izraelit ndaj propozimit të Witkoff ishte e papajtueshme me atë për të cilën grupi ra dakord, duke shtuar se qëndrimi i të dërguarit të SHBA-së ndaj grupit ishte “i padrejtë” dhe tregonte “anësi” ndaj Izraelit.

Grupi palestinez tha në një deklaratë se sipas marrëveshjes, do të lirojë 10 pengje dhe 18 trupa në këmbim të lirimit nga Izraeli të një numri të burgosurish palestinezë.