Një burrë që pretendonte se kishte eksploziv në kamionin e tij iu dorëzua policisë në afërsi në Capitol Hill pas një përplasjeje pesë-orëshe të enjten pasdite.

I dyshuari i cili u identifikua si Floyd Roy Roseberry nga Karolina e Veriut, “u arrestua pa incidente”, sipas shefit të Policisë së Capitolit, Tom Manger.

Policia ende është duke  hetuar nëse kamioni përmbante eksploziv, shkruan Gazeta Online “Reporteri.net”.

Agjentët federalë,  përfshirë ata të FBI-së dhe Byrosë së Alkoolit, Duhanit, Armëve të Zjarrit dhe Eksplozivëve – ishin në vendngjarje të enjten në mëngjes në një përpjekje për të “përfshirë në dialog” me Roseberry, e cila pretendonte se kishte eksploziv dhe ishte parkuar në një kamionçinë në trotuarin e Bibliotekës së Kongresit, shkruan POLITICO.

“Ne po përpiqemi të marrim sa më shumë informacion që të jetë e mundur për të gjetur një mënyrë për ta zgjidhur këtë në mënyrë paqësore”, tha Thomas Manger, në konferencën e parë publike  pas të situatës së krijuar të enjten pasdite.

Roseberry transmetoi drejtpërdrejt në mediat sociale. Ai ngarkoi video të shumta në mediat sociale nga kamioni i tij i parë nga POLITICO në të cilat ai mbështeti pikëpamjet anti-qeveritare dhe kërkoi të fliste me Presidentin Joe Biden para se ai të merrte në konsideratë dorëheqjen.

Zëdhënësi i Facebook Andy Stone tha se ata kishin bllokuar profilin e të dyshuarit të enjten pasdite.

Manger tha se institucionet e zbatimit të ligjit nuk i dinin motivet e këtij kërcënimi.

Ai shtoi se ndërtesat u evakuuan sepse shoferi u tha oficerëve në vendngjarje se kishte një bombë dhe oficerët vunë re atë që dukej se ishte një shpërthyes në dorën e burrit.

Policia e Kapitolit i udhëzoi njerëzit të shmangin zonën përreth Bibliotekës së Kongresit.

Gjykata Supreme në Amerikë është evakuar pas alarmit. Po ashtu, është mbyllur edhe Libraria e Kongresit pasi që një person me kamionit është parkuar jashtë bibliotekës dhe deklaroi se ka një bombë brenda.

Edhe një pjesë e Shtëpisë së Bardhë është evakuar për shkak të dyshimit për bombë.
Policia e Capitol Hill-it në Tëitter ka shkruar që “të gjithë të qëndrojnë larg kësaj hapësire”.