Ushtria indiane ka deklaruar se Pakistani ka qëlluar me artileri në zonën Bhimber Gali, në Kashmirin e amdministruar nga India, pranë vijës ndarëse, raporton BBC, përcjell Reporteri.net.

Në një postim të ushtrisë në platformën „X“, thuhet se forcat e armatosura të Indisë janë duke „reaguar në mënyrë të përshtatshme dhe të matur“.

Pakistani është zotuar se do t’i kundërpërgjigjet sulmit ushtarak që nisi sonte India.

Një zëdhënës i ushtrisë pakistaneze ka thënë se “Pakistani do t’i përgjigjet këtij [sulmi] në kohën dhe vendin që do ta zgjedhë vetë.”

“Të gjitha avionët tanë të forcës ajrore janë në ajër. Ky është një sulm i turpshëm dhe i pabesë, i kryer nga hapësira ajrore e Indisë,” ka deklaruar ky zëdhënës.

India ka thënë se ka shënjestruar nëntë zona.

“Këta hapa vinë pas sulmit terrorist barbar në Pahalgam ku 25 indianë dhe një shtetas i Nepalit u vranë”, thuhet në deklaratën e Ministrisë indiane të Mbrojtjes, referuar një sulmi muajin e kaluar në Kashmir./Reporteri.net