Një refugjat irakian dhe aktivist kundër Islamit u qëllua për vdekje në Suedi të mërkurën vonë, vetëm disa orë para se t’i shqiptohej një vendim nga gjykata pas gjykimit për djegien e Kuranit, sipas dokumenteve të gjykatës të enjten.

Salwan Momika, 38 vjeç, u qëllua për vdekje në një shtëpi në qytezën Sodertalje afër Stokholmit, raportoi transmetuesi publik, SVT.

Mediat suedeze raportuan se Momika ishte “live” në TikTok në kohën kur u qëllua. Një video që agjencia e lajmeve Reuters  raportoi se e ka parë tregoi policinë duke marrë një telefon dhe duke i dhënë fund një transmetimi të drejtpërdrejtë që dukej se ishte nga llogaria TikTok e Momika.

Në videon që më pas u shpërnda në rrjetet sociale, shihet një polic duke e ndalur transmetimin e drejtpërdrejtë në telefon.

Salwan Momika, Iraqi, known for burning the Quran, was assassinated in an armed attack in his apartment in Södertälje, Sweden, last night while livestreaming.

Salman Rushdie, Charlie Hebdo, Theo Van Gogh, David Amess, and several others attacked in the name of Islam and against… pic.twitter.com/xyjRGUPXWN

— Imtiaz Mahmood (@ImtiazMadmood) January 30, 2025

Momika, së bashku me bashkëprotestuesin Salwan Najem, u akuzuan për “agjitacion kundër një grupi etnik” në katër raste në verën e vitit 2023.

Sipas aktakuzës, dyshja përdhosën Kuranin, duke përfshirë djegien e tij, ndërsa bënë komente nënçmuese për myslimanët — në një rast jashtë një xhamie në Stokholm.

Ndërsa qeveria suedeze dënoi valën e djegies së Kuranit në vitin 2023, ajo u konsiderua fillimisht si një formë e mbrojtur e fjalës së lirë.

/Reporteri.net/