Grupi terrorist i ISIS-it ka marrë përgjegjësinë për sulmin në Moskë.

Shteti Islamik në një postim në rrjetin rus “Telegram” ka deklaruar se pjesëtarë të saj kanë marrë përgjegjësinë për sulmin në të cilin u vranë 40 persona dhe u plagosën 100 të tjerë, raporton Sky News.

“Luftëtarët e Shtetit Islamik kanë sulmuar një tubim të madh të të krishterëve në qytetin e Krasnogorskut në periferi të kryeqytetit rus, Moskës, duke vrarë dhe plagosur qindra dhe shkaktuar dëme masive para se të tërhiqeshin drejt sigurisë”, thuhej në deklaratën e ISIS-it në Telegram.

Ndërkaq, më 7 mars, shërbimi rus i sigurisë FSB, kishte deklaruar se ka parandaluar një sulm ndaj një sinagoge në Moskë. Sulmin ishte duke e planifikuar një celulë e ISIS-it.

Më shumë se 5 mijë persona besohet se ishin në sallën e koncerteve në momentin kur persona të armatosur kanë nisur sulmin në Moskë.

Mediat ruse kanë raportuar se në këtë sallë do të performonte një bend i njohur i rock-ut dhe 6 mijë e 200 bileta ishin shitur për këtë koncert.

Ndërkaq, zjarrfikësit kanë lokalizuar zjarrin në këtë koncert, raporton agjencia ruse e lajmeve Interfax.

Forcat speciale të Rusisë janë në kërkim të të dyshuarve dhe sipas mediave pesë persona kanë kryer sulmin.

Masked gunmen opened fire in the Crocus City Hall in Moscow. Several people reported killed.

And, around 2 weeks ago, US Embassy in Russia warned about a terrorist attack, potentially at a concert. pic.twitter.com/5g5YaErgBC

— Anshul Saxena (@AskAnshul) March 22, 2024

Më shumë se 5 mijë persona ndodheshin në sallë në momentin e sulmit në Moskë

Të paktën 40 të vrarë dhe 100 të plagosur në sulmin në Moskë