Policia e Bolonjës ekzekutoi operacionin e koduar “Kusar” duke shkatërruar një bandë grabitësish shqiptarë.

U arrestuan në flagrancë ndërsa po përgatiteshin të kryenin grabitjen e rradhës dy shtetas shqiptarë 29 e 24 vjeç.

Banda e shqiptarëve me fytyra të maskuara grabisnin pikat e shitjes së karburantit rreth e qark provincës së Ravenas duke kërcënuar punonjësit për dorëzimin e arkës me para.

Vetëm gjatë periudhës kohore 12 e 16 gusht, banda kishte grabitur 2 herë të njëjtën pikë karburanti duke vjedhur rreth 4 mijë euro cash.

Falë dëshmive të personave të grabitur dhe procesit hetimor, policia italiane mundi të vihet në gjurmët e bandës shqiptare duke arrestuar në flagrancë 2 shqiptarët.

29 vjeçari i arrestuar është me leje të rregullt qëndrimi, ndërsa ai 24 vjeç sapo kishte mbërritur nga Shqipëria në Itali.

Dy shqiptarët e arrestuar ndodhen në burgun e Ravennas në dispizicion të autoriteteve gjyqësore.