Italia po e mbyll fundjavën e parë të hapjes së vendit e marrjes fund të regjimit të izolimit nga pandemia.

Në 24 orët e fundit janë shënuar 53 viktima e 197 raste më shumë.

Sot Italia në total regjistron 33 899 viktima e 234 998 të infektuar nga Covid 19.

Deri më sot në Itali janë 165 837 të shëruar e në 24 orët e fundit janë 759 të shëruar më shumë se një ditë më parë.

Në struktura spitalore po kurohen 4864 pacientë e 287 në reparte të terapisë intensive.

Në rajonin e Lombardisë më i prekur nga pandemia janë shënuar 125 raste pozitive më shumë e 21 viktima nga koronavirus.

Deri më sot numri i viktimave në Lombardi është 16 270 e të infektuarit janë 90 195.

Tamponë të kryera deri më sot në Itali rreth 4 milionë e 300 mijë.