Izraeli ka kryer seri të bombardimeve në Liban pasi një grua është vrarë dhe disa të tjerë janë plagosur nga sulme me raketë në veri të Izraelit, raporton BBC.

Mediat e Libanit kanë raportuar se fshatrat në kufi me Izraelin janë bombarduar dhe janë djegur disa shtëpi, përcjell gazeta online Reporteri.net.

Grupi militant i Hezbollahut, që dyshohet se ka kryer sulmet ndaj Izraelit, nuk ka marrë përgjegjësinë.

Hezbollahu dhe ushtria izraelite kanë luftuar mes vete qëkur ka nisur lufta ndaj Hamasit më 7 tetor.

“Aeroplanët luftarakë kanë nisur valën e sulmeve në territorin libanez”, ka thënë zëdhënësi i Forcave Izraelite të Mbrojtjes, Daniel Hagari.

Hezbollahu, është një prej grupeve më të armatosura në botë dhe përkrahet nga Irani.