Anëtari i kabinetit qeveritar të Izraelit, Benny Gantz ka paralajmëruar se nëse grupi militant i Hamasit nuk i liron të gjithë pengjet në Gaza deri më 10 mars, do të nisë ofensiva tokësore në qytetin Rafah në jug, raporton BBC.

Kjo është hera e parë që Izraeli tregon se kur do të mund të nisë ofensivën në qytetin e mbipopulluar në jugë të Gazas.

Ndaj këtij plani janë shprehur shumë shtete perëndimore për shkak se në këtë pjesë të Gazas jetojnë më shumë se 1.5 milion palestinezë.

Organizata Botërore e Shëndetësisë ka njoftuar të hënën se nuk i është lejuar hyrja në spitalin Nasser të Khan Yunisit, për të vlerësuar situatën.

Forcat izraelite besojnë se në këtë spital Hamasi po mban disa pengje.

Muaji i shenjtë i myslimanëve, Ramazani, sivjet do të nisë më 10 mars.