Rebelët dhe civilët sirianë janë parë duke plaçkitur rezidencën e ish-presidentit të vendit Bashar al-Assad në Damask, përcjell Gazeta Online Reporteri.net.

Fëmijët u panë duke vrapuar në hyrje të pallatit presidencial Al Rawda të Asadit, ndërsa burrat dolën me mobilje.

Një tjetër video e postuar në rrjetet sociale tregonte korridoret e asaj që dukej të ishte një tjetër rezidencë në kryeqytet, me tingujt e burrave dhe grave që festonin.

“Këto janë paratë e popullit,” u dëgjua duke thënë një burrë.