Ministri i Shëndetësisë në Jordani, Nathir Obeidat ka dhënë dorëheqje pasi gjashtë pacientë me koronavirus humbën jetën në një spital në këtë shtet si pasojë e ndërprerjes së furnizimit me oksigjenoterapi.

Kryeministri i Jordanisë, Bisher al-Khasawneh ka urdhëruar të kryhet një hetim lidhur me vdekjet në spitalin 13 kilometra larg kryeqytetit Amman, raportojnë mediat e huaja.

Kërkesa për dorëheqjen e ministrit të Shëndetësisë Obeidat ka ardhur nga kryeministri Khasawneh.

Deri më tani nuk dihet ende se çka ka shkaktuar ndërprerjen e furnizimit me oksigjen për këta pacientë.

Familjarët e të vdekurve janë revoltuar duke shkuar tek hyrja e spitalit mirëpo Policia ka reaguar në vendngjarje për të qetësuar situatën.