Një fëmijë 13-vjeçar që kishte dalë pozitiv me coronavirus, ka vdekur në Londër, bëri të ditur Spitali i King’s College.

Daily Mail raporton se Ismail Mohammed Abdulwahab nga Londra vdiq dje në spital dhe se nuk dihet nëse ai kishte ndonjë problem tjetër shëndetësor.

“Fatkeqësisht, një djalë 13-vjeçar vdiq, i cili ishte pozitiv për Covid-19 dhe tani të gjitha mendjet tona janë me familjen e tij në këtë moment, së cilës ne u përcjellim ngushëllimet tona”, u tha në një deklaratë të lëshuar nga spitali.

Duhet theksuar se coronavirus në shumë pak raste ka marrë jetën e të rinjëve, e aq më pak fëmijëve. Por, tani kur numri i të infektuarve në botë po i afrohet një milionëshit, po ndodhin raste, fatëmirësisht të rralla, kur jetën po e humbin edhe të rinjtë, e edhe fëmijët. /Repoerteri.net