Një ngjarje e rëndë ka ndodhur sot në Nikea të Greqisë. Një vajzë 7-vjeçare është përplasur për vdekje nga një kamion, teksa ishte me kushërirën e saj duke kaluar rrugën.

Mes lotësh babai i të voglës rrëfeu për mediat greke se vajza e tij u përplas për faktin se shoferi i kamionit nuk respektoi semaforin e kuq. Po ashtu ai tha se do të dhurojë organet e 7-vjeçares për ata që kanë nevojë.

“Ai vrau një shpirt, ëngjëllin tim të vogël. Unë kisha ëndrra për të, m’u shkatërruan ëndrrat. Unë do të dhuroj organet e saj, sytë, zemrën, për fëmijët që luftojnë për jetën”, tha babai i viktimës.