Aeroporti Heathrow dhe St Pancras International në Britani u përfshinë nga kaosi mbrëmë. Kjo për shkak se qindra pasagjerë po prisnin të fluturonin me avionë para se të hynte në fuqi ndalimi i udhëtimit të britanikëve nëpër Evropë, pavarësisht riskut se mund të jenë bartës të variantit të ri të virusit.

Kryeministri Boris Johnson ka treguar se varianti i ri nuk thuhet të jetë më vdekjeprurës por është deri në 70% më ngjitës se variantet ekzistuese.

Jo vetëm Evropa por edhe shtete të ndryshme në botë kanë marrë masa. Kanadaja, Izraeli, Turqia, Maroku, Kuvajti, Arabia Saudite dhe El Salvador gjithashtu kanë mbyllur përkohësisht kufijtë e tyre me Britaninë, ndërsa Amerika ende nuk ka marrë një vendim.