Joe Biden vazhdon të jetë në epërsi ndaj Donald Trump në garë të fortë për presidentin e ri në SHBA.

Biden po ashtu e ka më të lehtë rrugën drejt fitores pasi i nevojiten vetëm edhe gjashtë vota elektorale për t’u shpallur fitues.

Kurse, sipas një parashikimi nga The Guardian, Trump e ka rrugën më të vështirë për të përmbysur rezultatin, transmeton lajmi.net.

Biden kryeson me numrin e votave të kolegjit elektoral 264-214 pasi ai u shpall fitues në Michigan dhe Wisconsin të mërkurën dhe Trump fitoi një votë në Maine.

Shtimi i Alaskës për Trumpin – votat e së cilës nuk janë deklaruar, por ku rezultati nuk është në dyshim – i jep presidentit 217 vota elektorale.

Trump duhet të gjejë 53 votat elektorale që i duhen, andaj ai do të duhet të fitojë Pensilvanian, plus të tre shtetet e tjera.

Por pasi një pjesë e madhe e votave demokratike mbetet të arrihet në Filadelfia dhe Pittsburgh, do të thotë se Trump mund të ketë vështirësi.