Linjat ajrore në botë mund të humbin më shumë se 100 miliardë dollarë të ardhura këtë vit, për shkak të rënies së kërkesës për udhëtime, si pasojë e frikës nga koronavirusi.

Linjat ajrore në botë mund të humbin më shumë se 100 miliardë dollarë të ardhura këtë vit për shkak të rënies së kërkesës për udhëtime, si pasojë e frikës nga koronavirusi.

Shoqata Ndërkombëtare e Transportit Ajror vlerëson se humbjet e mundshme do të variojnë nga 63 miliardë dollarë në 113 miliardë.

Ekonomisti kryesor i Shoqatës, Brian Pearce, tha se ka shumë kompani që kanë borxhe dhe se gjendja e tanishme mund të shkaktojë shumë vështirësi për to.

“Po shohim rënie serioze të dhe të të ardhurave tani që koronavirusi është përhapur më gjerësisht”, ka thënë ai.

Shpërthimi i koronavirusit ka lëkundur edhe tregjet globale.

Aksionet në SHBA kanë rënë më shumë se 3% të enjten, pas disa ditëve të humbjeve të ngjashme në javën e kaluar.

Koronavirusi ka shpërthyer në fund të vitit të kaluar në Kinë dhe është përhapur në më shumë se 80 vende të botës.

Mbi 3 mijë njerëz kanë humbur jetën si pasojë e këtij virusi vdekjeprurës dhe dhjetëra mijëra të tjerë janë infektuar./Reporteri/