Korea Veriore ka raportuar atë që e ka quajtur rasti i parë i dyshimtë me koronavirus në këtë shtet.

Agjencia shtetërore verikoreane e lajmeve ka thënë se një person që kishte dezertuar në Korenë Jugore rreth tri vjet më parë dhe që ishte kthyer javën e kaluar, kishte shfaqur simptome të COVID-19.

Lideri verikorean ka mbajtur një takim emergjent me zyrtarët më të lartë, duke vënë masa kufizuese në qytetin kufitar të Kaesongut, raporton BBC, transmeton KOHA.

Zyrtarët në Kore të Veriut kishin thënë më herët se nuk kishin raste të COVID-19, por sipas analistëve, një gjë e tillë nuk ishte e mundshme.

“Një situatë emergjente ka ndodhur në qytetin Kaseong, ku një i arratisur, që kishte shkuar në jug rreth tri vjet më parë, person që dyshohet të jetë infektuar me virus, ishte kthyer më 19 korrik pasi që e kishte kaluar ilegalisht vijën e demarkimit”, ka raportuar KCNA. /Reporteri.net/