“Këtë verë nuk do të qëndrojmë nëpër ballkone dhe bukuria e Italisë nuk do të mbesë në karantinë.

Mund të shkojmë në det, në male, të shijojmë qytetet tona, por edhe nëse do ta bëjmë këtë gjë do të duhen rregulla dhe kujdes”.

Është kjo deklarata e kreut te qeverisë italiane Giuseppe Conte duke i dhënë përgjigje pyetjes më të shpeshtë të bërë nga italianët në prag të sezonit turistik.

Kryeministri Conte ka dhënë përgjigjen e shumëpritur për të gjithë qytetarët e tij në lidhje me pushimet verore, e ndërsa prej 3 muajsh ata qëndrojnë të mbyllur në shtëpitë e tyre për shkak të pandemisë së koronavirusit.

Duke iu referuar gjendjes ekonomike që ka prekur jo vetëm Italinë, Conte ka theksuar se pritet një rënie të Prodhimit të Brendshëm Bruto dhe pasojat ekonomike do të jenë shumë të dhimbshme.