Ka kaluar gati një javë që kur prushi i parë ndezi disa nga zjarret më vdekjeprurëse që Kalifornia ka parë ndonjëherë, përcjell Gazeta Online Reporteri.net.

Dhe në ditët që pasuan, qytetarëve të Los Angeles u është dashur të përballen me të qëndruarit në gatishmëri të lartë.

Tani, me flakët e Palisades dhe zjarrin pranë Eaton, të cilët ende janë kryesisht të pakontrolluar, erërat e forta  të Santa Ana kërcënojnë t’i zgjerojnë ato flakë apo edhe të fillojnë të reja.

Kur do të marrin fund këto zjarre? Dhe çfarë u duhet zjarrfikësve për të marrë në dorë situatën?

“Ne kemi nevojë për nënën natyrë që të na japë një pushim”, tha zëvendës shefi Brice Bennett i Cal Fire për CNN të dielën.

“Kemi zjarrfikës. Ne kemi ujin. Na duhet kohë”, shtoi ai.

CNN shkruan se “kur këto zjarre mund të mbarojnë është vetëm një pjesë e ekuacionit – pyetja afatgjatë se si të rikthehemi nga shkatërrimi i zjarrtë në një botë me katastrofa ekstreme të motit nuk ka zgjidhje të kënaqshme.

Në të ardhmen e afërt, përpjekja për të vlerësuar se kur do të frenohen zjarret është kryesisht supozim dhe varet nga faktorë të rrjedhshëm si terreni dhe efektiviteti i zjarrfikësve. Megjithatë, faktorët kryesorë janë të qartë: era dhe shiu, ose mungesa e tyre./CNN/