Pacienti i dializës Brian Pinker, i moshës 82 vjeç, është bërë personi i parë që merr vaksinën e re anti-Covid të Oxford-AstraZeneca, pasi Britania dha miratimin e përdorimit në fund të dhjetorit. Vaksina iu bë në spitalin Universitar të Oxfordit.

82 vjeçari u fotografua teksa i injektohej vaksina. Ai tha se ndihej vërtetë krenar që kjo vaksinë u shpik në Oxford, vendi ku ka lindur dhe është edukuar. Pasi bëri vaksinën ai tha se tani mund të presë plot shpresë që të festojë përvjetorin e 48-të të martesës me gruan e tij Shirely.

NHS britanike pret që të vaksinohen sa më shumë persona, fillimisht kategoritë më të rrezikuara, në mënyrë që të frenohet përhapja e koronavirusit.

Në Britani u identifikua dhe një mutacion i ri i Covid, për të cilin u zbulua që transmetohej rreth 70% më shumë se variantet e tjera ekzistuese, por nuk ka prova se sjell sëmundshmëri më të rëndë ndaj Covid-19.

‘I’m so pleased to be getting the COVID vaccine today and really proud it is one that was invented in Oxford.’

82-year-old Brian Pinker became the first person in the world to receive the new Oxford AstraZeneca vaccine this morning at @OUHospitals. ? pic.twitter.com/nhnd3Sx97m

— NHS England and NHS Improvement (@NHSEngland) January 4, 2021