Qeveria e Republikës së Nauru pretendon se ka vaksinuar të gjithë popullsinë e saj kundër Covid-19, duke u bërë kështu shteti i parë që ka bërë diçka të tillë.

Madje, ka vaksinuar edhe shtetas të huaj që kanë hyrë në ishull.

Nauru është një ishull i vogël në Oqeanin Paqësor, me një popullsi prej rreth 10 000 personash. Vetëm Vatikani është shteti me më pak popullsi sesa Nauru. Gjithashtu, është shteti i tretë më i vogël në botë, pas Vatikanit dhe Monakos.

“E urojmë grupin që është marrë me vaksinimin për këtë rekord botëror dhe të gjithë banorët që kanë kontribuar që Nauru të jetë një vend i lirë nga Covid-19”, lexohet në komunikatën e qeverisë.