Luftimet midis Azerbajxhanit dhe forcave etnike armene kanë vazhduar për ditën e katërt, derisa ky konflikt thuhet se është më i rëndi që nga armëpushimi i vitit 1994.

Azerbajxhani dhe enklava armene etnike e Nago-Karabakut thanë se kishte sulme nga të dy palët në disa drejtime përgjatë vijës së kontaktit që i ndan ata.

Luftimet janë përhapur përtej kufijve të enklavës, duke kërcënuar të përhapen në luftë të gjithanshme midis ish-republikave Sovjetike të Azerbajxhanit dhe Armenisë.

Karabaku është një rajon i shkëputur që është brenda Azerbajxhanit por drejtohet nga Armenët etnikë dhe mbështetet nga Armenia. Ai u shkëput nga Azerbajxhani në një luftë në vitet 1990 por nuk njihet nga asnjë vend si republikë e pavarur.

Çdo lëvizje drejt një lufte të gjithanshme mund të zvarritë në Rusi dhe Turqi, e cila është një aleat i ngushtë i Azerbajxhanit.

Dhjetëra njerëz janë raportuar të vrarë dhe qindra të plagosur që kur vala e re e luftimeve që shpërtheu të dielën.

Ndërsa në një video të publikuar nga mediat azere shihet një tanke armene e cila shkatërrohet, ata e kanë quajtur këtë si tanke e armikut.