Presidenti Emmanuel Macron tha të martën se Franca do të ndalojë aksesin në mediat sociale për fëmijët nën moshën 15 vjeç brenda “disa muajsh”, nëse kjo nuk bëhet në nivel evropian.

“Ne duhet të ndalojmë rrjetet sociale për ata nën moshën 15 vjeç”, tha Macron për kanalin televiziv publik France 2.

“Po na jap disa muaj kohë për të nisur mobilizimin evropian. Përndryshe… do ta fillojmë në Francë. Mezi presim”, tha ai.

Ndryshe, gjatë ditës së sotmen, një nxënës goditi për vdekje me thikë një anëtar të stafit të shkollës gjatë një kontrolli rutinë të çantave në një shkollë të mesme në Francën lindore. /Klan Kosova