Presidenti i Francës, Emmanuel Macron, e ka ndërprerë Presidentin e Shteteve të Bashkuara të Amerikës, Donald Trump, gjatë fjalës së tij para gazetarëve në Zyrën Ovale.

Pas fjalës së Macron për ndihmën që Evropa i ka dhënë Ukrainës, Trump tha se Evropa po i jep hua paratë Ukrainës dhe se do t’i marrin paratë e tyre mbrapsht, duke u përpjekur kështu që të ngre një paralele për marrëveshjen për minerale mes ShBA’së dhe Ukrainës, si kthim borxhi për ndihmën amerikane.

Në këtë moment, ndërhyu Macron duke e prekur me dorë Trumpin, dhe e korrigjoi, shkruan Reporteri.net.

“Jo, në fakt, për të qenë i sinqertë, ne kemi paguar. Ne kemi paguar 60% të përpjekjes totale. Ishte si ShBA: kredi, garanci, grante,” tha ai. “Ne kemi 230 miliardë dollarë asete të ngrira në Evropë, asete ruse. Por ky nuk është kolateral i një kredie sepse nuk janë pronë e jona. Kështu që ato janë të ngrira.”

Pas kësaj deklaratë, Trump iu drejtua gazetarëve duke thënë “Nëse e besoni këtë, është ok. Ata i marrin paratë e tyre, dhe ne jo. Por tani e bëjmë.”/Reporteri.net

Trump thotë lufta në Ukrainë mund të përfundojë brenda javësh, refuzon ta quajë Putinin diktator