Franca raportoi të shtunën 45 mijë raste të reja me coronavirus, një shifër e re rekorde që kur vendi u përball me pandeminë.

Sipas medieve të huaja, përcjell Telegrafi, të dhënat e fundit tregojnë se 138 persona ndërruan jetë brenda 24 orëve të fundit, duke e çuar numrin e përgjithshëm të viktimave në 34 mijë.

Që nga shpërthimi i pandemisë së COVID-10, më shumë se një milion njerëz janë infektuar deri më tani në Francë.

Rritje të dukshme janë parë edhe në disa vende të tjera evropiane, derisa kontinenti përballet me valën e dytë pandemike.

Numri i rasteve të reja raportohet të jetë dukshëm më i lartë se sa në valën e parë të coronavirusit në disa vende evropiane.