Eurodeputeti Sandor Ronai nga Hungaria ka postuar një video në Twitter në të cilën, sipas raportimeve të mediave, dëgjohet komisioneri  i BE-së për Politikat e Fqinjësisë dhe Zgjerimit, hungarezi Oliver Varhelyi duke i quajtur “idiotë” të pranishmit.

“Komisioneri Varhelyi, pasi iu përgjigj pyetjeve të eurodeputetëve, ulet në karrige dhe mund ta dëgjoni duke thënë: “Sa idiotë të tjerë janë këtu?”, shkruan Ronai në Twitter.

Duket se Varhelyi nuk ishte në dijeni që mikrofoni i tij ishte i ndezur.

After Commissioner @OliverVarhelyi replies to questions by MEPs, he takes his seat, you can clearly hear him saying: “How many other idiots are still there?” pic.twitter.com/TR8xwwc4V0

— Sándor Rónai (@sandor_ronai) February 14, 2023

Siç raporton Euronews, komenti është regjistruar pasi Varhelyi iu përgjigj pyetjes së eurodeputetit kroat, Tomislav Sokol nga HDZ, për mospërputhjen e Serbisë me politikën e jashtme të BE-së.

Siç shkruan Euronews, Sokol akuzoi Serbinë se po sillet si hegjemon në rajon dhe për “ndërhyrje” në punët e brendshme të Malit të Zi. Varhelyi u përgjigj se Serbia është e detyruar nga “të njëjtat kushte” si çdo kandidat tjetër për anëtarësimin në BE dhe se “problemet e Malit të Zi janë të rrënjosura thellë”. /Reporteri.net/