Miliarderit danez iu vranë tre fëmijët në Sri Lankë: Vajza e tij postoi një foto në Instagram duke mos e ditur se është fotoja e tyre e fundit

Botë

Miliarderit danez iu vranë tre fëmijët në Sri Lankë: Vajza e tij postoi një foto në Instagram duke mos e ditur se është fotoja e tyre e fundit

Reporteri

23 Prill 2019 | 14:04

Miliarderi 46 vjeçar danez Anders Holch Povlsen, pronar i rrjetit ASOS, në sulmin terrorist që ndodhi dy ditë më parë në Sri Lankë ka humbur të tre fëmijët.

Povslen është pronari i dytë privat më i madh në Britaninë e Madhe dhe aksioneri më i madh i ASOS, transmeton Reporteri.net.

Një dëshmitar me emrin Kieran Arasaratnam tha të dielën për BBC se e ka parë miliarderin i cili humbi tre fëmijë në sulmin me bomba në hotelin Sangrila.

Lexo edhe:

Gruaja që u zhduk në vitin 1962 gjendet “shëndoshë e mirë”

Kush është shefja e kabinetit të Trumpit që po raportohet se ia ndaloi Vuçiqit të takohej me presidentin amerikan?

Putin: Shpresoj që të mos ketë nevojë për përdorimin e armëve bërthamore në Ukrainë

https://www.instagram.com/p/BwO-AbtDdHS/?utm_source=ig_embed

“Lutuni, lutuni për mua”, thoshte ai, rrëfen ky dëshmitar.

Arasaratnam më vonë në rrjetin social Facebook shkroi:”Familja daneze me tre fëmijë. Prindërit kanë mbijetuar. Fëmijët me sa duket kanë humbur jetën. Kam tre fëmijë dhe saktësisht e di se si mund të ndihen tani”.

Një nga vajzat e Povlesen, Alma Storm Holl Povslen, disa ditë më parë kishte postuar në llogarinë e saj në Instagram një foto të motrave të saj Astrid, Agnes dhe vëllait të vogël Alfred në Sri Lanka duke mos e ditur se kjo është fotoja e tyre e fundit.

Sipas Forbes, Povelsen është danezi më i pasur në botë, me pasuri që arrin 7.9 miliardë dollarë amerikanë. Ai zotëron zotëron 89,000 hektarë tokë në Skoci, duke e bërë pronarin më të madh privat në atë vend.

Në një seri sulmesh me bomba në kisha dhe hotele luksoze, mbetën të vdekur 290 persona dhe qindra të tjerë u lënduan. Së fundmi u raportua se ISIS ka marrë përgjegjësinë për shpërthimet që kanë lënë më shumë se gati 300 njerëz të vdekur në Sri Lanka.