Pasi Irani kreu sulme me raketa ndaj tri bazave amerikane në Irak, Ministri i Telekomunikacionit të këtij shteti, Azari Jahromi i ka bërë thirrje Amerikës që të largohet nga ky rajon.

“Largohu nga ferri nga rajoni ynë” thuhet në reagimin në Twitter të zyrtarit iranian, transmeton Reporteri.net.

Irani tha se filloi sulmet me raketa ndaj forcave të drejtuara nga ShBA-ja në Irak në orët e para të së mërkurës në shenjë hakmarrjeje për sulmin me avion të amerikanëve, ku mbeti i vrarë, gjenerali iranian Qassem Soleimani.

Ndryshe, Irani ka kërcënuar të sulmojë brenda Amerikës, nëse SHBA i kundërpërgjigjet sulmeve të raketave, tre sosh sa u kryen brenda një ore.

Përmes rrjetit ‘Telegram’, e ashtuquajtura ‘Garda Revolucionare Iraniane – IRGC’ thotë se “Pentagoni njofton se SHBA do t’i përgjigjet sulmeve të Iranit”, përcjell në shqip Reporteri.net.

E ashtuquajtura, Garda Revolucionare e Iranit kanë marrë përgjegjësinë për sulmet.