Miliarderi Elon Musk ka thënë se i vjen keq për disa nga postimet e tij në mediat sociale javën e kaluar në lidhje me Presidentin e SHBA-së, Donald Trump.

Trump dhe Musk filluan të shkëmbenin sulme të ashpra personale në internet pasi CEO i SpaceX e përshkroi projektligjin gjithëpërfshirës të taksave të presidentit si “të neveritshëm”.

Ndërsa debatet u intensifikuan, Musk sugjeroi që Trump duhet të shkarkohet dhe pretendoi pa prova se qeveria po fshihte informacion në lidhje me lidhjen e presidentit me pedofilin famëkeq Jeffrey Epstein.

“Më vjen keq për disa nga postimet e mia në lidhje me Presidentin Donald Trump javën e kaluar”, tha Musk.

Të shtunën e javës së kaluar, Musk fshiu postimet e tij në lidhje me Epstein.

Miliarderi i teknologjisë pretendoi të enjten se udhëheqësi republikan është paraqitur në dosjet sekrete qeveritare mbi ish-bashkëpunëtorët e Epstein, i cili përballej me akuza për trafikim seksual.

Presidenti i SHBA-së Donald Trump paralajmëroi se Elon Musk se mund të përballet me “pasoja serioze” nëse ish-aleati i tij dhe bamirësi i fushatës përpiqet të ndihmojë demokratët në zgjedhjet e ardhshme. /Reporteri.net/