Ministria e Mbrojtjes e Armenisë njoftoi se sot ushtria e Nagorni-Karabakut rrëzoi një aeroplan dhe një helikopter të Azerbajxhanit.

Menjëherë pas kësaj, u raportua se dy avionë të tjerë u rrëzuan, njoftoi TASS.

“Dy avionë të tjerë u goditën. Kjo do të thotë që tre aeroplanë armik u rrëzuan sot. Për më tepër, dy helikopterë dhe gjashtë dronë u shkatërruan brenda gjysmë dite,” tha zëdhënësi i Ministrisë së Mbrojtjes së Armenisë Artsrun Hovanisyan në profilin e tij në Facebook, përcjell Gazeta Online Reporteri.net.

Forcat e Nagorni-Karabakut rrëzuan një aeroplan armik dhe një helikopter në drejtimet jugore dhe juglindore, shkroi zëdhënësja e Ministrisë Susan Stepanjan më parë në profilin e saj në Facebook.

Disa orë më parë, Ministria Armene e Mbrojtjes njoftoi se tre helikopterë Azerbajxhanas u rrëzuan, 15 automjete u shkatërruan, të paktën një sistem raketash Smerch dhe gjashtë dronë u rrëzuan.

Më herët, Ministria njoftoi se u godit aeroplani i Forcës Ajrore të Azerbajxhanit, i cili u rrëzua në territorin e Iranit. /Reporteri.net