Presidenti amerikan Donald Trump thotë se Qasem Soleimani, gjenerali iranian i vrarë në një sulm me dron amerikanë, planifikonte të hidhte në erë ambasadën amerikane në Bagdad.
“Unë do ta them këtë – kemi kapur një përbindësh total. Ne e shkatërruam atë. Duhej të kishte ndodhur shumë më herët. Ne e bëmë atë sepse ata kishin për qëllim të hidhnin në erë ambasadën tonë. Ne e bëmë atë për arsye të tjera të dukshme. Dikush vdiq, një nga njerëzit tanë nga ushtria vdiq. Disa njerëz u plagosën rëndë vetëm një javë më parë”, citon Politico të ketë thënë Trump, transmeton Reporteri.net.
Pak më vonë, në një miting si pjesë e fushatës së tij elektorale në Toledo, Ohio, Trump tha se Soleimani ishte duke planifikuar sulme në ambasada të shumta amerikane.
“Soleimani ishte duke planifikuar në mënyrë aktive sulme të reja dhe po merrte parasysh seriozisht ambasadat tona, jo vetëm ambasadën në Bagdad, por ne e ndalëm atë,” u tha presidenti zgjedhësve të tij.
Sipas Reuters, Trump e ka kthyer vrasjen e Soleimanit në një temë të fushatës së tij./Reporteri.net
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.