Aktori 54 vjeçar Eric Michels që luajtin në rolin e James Bond në filmin Skyfall u gjet i vdekur në shtëpinë e tij në Chessington në gusht të vitit 2018.

Aktori u vra nga një mbidozë e drogës pasi u lidh me një mashtrues në rrjetin social Grindr i cili shërben për njohje mes personave gay, shkruajnë mediat e huaja, transmeton Reporteri.net.

Ishte vajza e aktorit të ndjerë ajo e cila zbuloi trupin e tij të pajetë. Ai u vra nga 25-vjeçari Gerald Matovu.

Matovu dhe i dashuri i tij, Brandon Dunbar, 23 vjeç, janë në gjyq të akuzuar për drogim të  Michels dhe 11 burrave të tjerë për të vjedhur sendet e tyre të vlefshme dhe për të përdorur kartat e tyre bankare.

Matovu shfrytëzoi një shiringë për të injektuar një dozë fatale tek Michels përpara se të largohej me kartën e tij bankare dhe sendet e tjera në gusht të vitit të kaluar. Vajza e aktorit i kishte shkruajtur babait të saj pak orë para vdekjes duke e pyetur nëse dëshironte të darkonin bashkë para se të nisej për pushime.

Kur nuk u përgjigj, ajo tentoi përsëri dhe atëherë vrasësi Matovu, u përgjigj në telefon duke u shtirë si babai i saj. Toni i panjohur i panjohur i zërit alarmoi adoleshenten.

E shqetësuar për sigurinë e babait të saj, ajo i kërkoi nënës së saj ta çonte atë në shtëpinë e tij dhe aty e gjeti të vdekur.

Aktori Michels dhe gruaja e tij që kishin qenë të martuar 23 vjet ishin divorcuar pasi ai e kuptoi se preferonte meshkujt e rinj. Që atëherë ai kishte pasur një numër marrëdhëniesh afatgjata. Por kohët e fundit, ai kishte qenë shumë i vetmuar dhe kishte filluar të përdorte rrjetet Soho dhe Grindr për të gjetur burra të rinj.

I dyshuari kryesor për vrasje Motovu ka mohuar të gjitha akuzat ndërkohë që gjyqi është duke vazhduar. /Reporteri.net