Kryeministri izraelit Benjamin Netanyahu hodhi poshtë thirrjet në rritje ndërkombëtare për një armëpushim në Gaza, duke thënë të shtunën se beteja e Izraelit kundër Hamasit do të vazhdojë, “me gjithë forcën”.

Udhëheqësi  izraelit tha se Izraeli “do të vazhdojë deri në fitore”, raporton BBC.

“Hamasi humbi kontrollin e tij mbi Rripin e Gazës. Ai nuk ka vend të sigurt për t’u fshehur… Të gjithë anëtarët e Hamasit janë shënuar për vdekje,” tha Netanyahu në një fjalim televiziv. Forcat tona po i godasin mbi tokë dhe forcat tona po i godasin nën tokë”.

Si pjesë e informimit të rregullt për publikun izraelit, Netanyahu shton se Izraeli kishte vrarë “mijëra” luftëtarë të Hamasit, përfshirë ata që ishin të përfshirë në sulmin brutal të Hamasit të 7 tetorit që vrau rreth 1200 njerëz.

Ai shtoi se Izraeli do të mbajë kontrollin ushtarak të Gazës pas luftës, ngjashëm me kontrollin e tij ushtarak mbi Bregun Perëndimor – të cilin shumë ekspertë e kanë quajtur një “pushtim ushtarak”.

Si Netanyahu ashtu edhe ministri i Mbrojtjes Yoav Gallant, të cilët folën pas kryeministrit, thanë se shpëtimi i pengjeve dhe “çrrënjosja e Hamasit” ishin prioritetet kryesore.