Një ngjarje e rëndë ka ndodhur në Itali, ku i riu Gianluca Loprete, vrau babanë e tij Antonio, 57 vjeç, drejtor i bankës ‘Bpm’, me të cilin jetonte në Sesto San Giovanni në periferi të Milanos dhe e preu trupin copë-copë.

Në vendngjarje po ndërhyjnë karabinierët e SSHSH-së dhe mjekësia ligjore. Vetë djali thirri policinë dhe rrëfeu vrasjen e tmerrshme.

Pasi e vrau, djali i cili prej disa kohësh po trajtohej për probleme psikiatrike e bëri copë-copë trupin e babait të tij para se të telefononte në 112. “Ia preu kokën”, tha një nga fqinjët për ANSA.

I riu, student me precedentë, u arrestua për vrasje të rëndë dhe përfitoi të drejtën për të mos u përgjigjur. Ai do të transferohet në burgun e Monzas.

Karabinierët, rreth orës 9 të mëngjesit të sotëm, mbërritën në banesën në via Saint Denis, ku jetonin të dy së ??bashku, ku gjetën 19-vjeçarin në gjendje shoku dhe kufomën e babait të tij, 57 vjeç, në dhomën e gjumit. I riu kishte telefonuar pak më parë duke thënë: “ejani, kam vrarë babanë”.