Një ngjarje e rëndë raportohet të ketë ndodhur në Vjenë. Një grua 31-vjeçare nga Nepali dyshohet se ka vrarë tre fëmijët e saj në banesën ku po jetonin.

Mosha e viktimave raportohet të ketë qenë 9 dhe 3 vjeç dhe njëra nga vajzat ishte vetëm nëntë mujashe, raporton gazeta krone.at, transmeton Reporteri.

Pas një përpjekje për vetëvrasje pasi kishte kryer aktin, e dyshuara telefonoi policinë dhe rrëfeu për vrasjet.

Të tri viktimat vdiqën nga mbytja, sipas mjekësisë paraprake ligjore.

Në vendin e ngjarjes, Policia gjeti dy vajza (tetë muaj dhe tre vjeç) të cilat nuk tregonin shenja jete, njoftohet në raportin e policisë.

Vajza e tretë, nëntë vjeçarja, u dërgua në spital, ku mjekët luftuan për jetën e saj për rreth një orë. Fatkeqësisht pa sukses, vajza e tretë vdiq gjithashtu.

Viktimave pritet tu bëhet autopsia për të përcaktuar shkakun e vdekjes. /Reporteri.net