Simon Polikarp do të jetë në mesin e pesë kandidatëve për kryetar komune në qytetin Shtip të Maqedonisë së Veriut.

Lajmi është konfirmuar nga Komisioni Komunal Zgjedhor në vendin fqinj.

Polikarp, i njohur ndryshe edhe si Xhimi është një burrë me origjinë afrikane nga Nigeria që jeton prej 20 vitesh në Maqedoninë e Veriut.

Sipas mediave lokale, Polycarp u emërua si njeriu i parë i zi për kryetar bashkie nga partia konservatore maqedonase e opozitës “Integra” kurse në zgjedhjet e parakohshme komunale që do të mbahen në dhjetor do të provojë fatin për të parin e komunës.

Zgjedhjet lokale në Shtip mbahen pasi që kryetari i deritanishëm i komunës, Bllagoja Boçvarski u zgjodh minister i transportit.

Zgjedhjet e rregullta lokale në Maqedoni mbahen në vjeshtë të vitit të ardhshëm.