Gjatë qëndrimit shtatë-orësh të presidentit turk Rexhep Tajip Erdogan dhe delegacionit turk në Athinë, masat e sigurisë kanë qenë jashtëzakonisht të ashpra dhe vëmendje të veçantë ka tërhequr shtatlarti nga roja personale e Erdoganit.

Për të parandaluar ndonjë ngjarje të pakëndshme, janë vendosur oficerë policie nga pothuajse të gjitha shërbimet. Siç raportojnë mediat greke, truproja dy metra i gjatë nuk ia ka hequr sytë presidentit turk që në momentin e parë që ai ka zbritur nga avioni, përcjell Reporteri.net.

Sipas informacioneve, ELAS ka lëshuar 47 leje armësh për vizitën e Erdoganit, 16 prej të cilave kanë pasur të bëjnë me sigurinë e presidentit turk.

Siç ka vënë në dukje dje “Protothema” , gjatë vizitës së Erdoganit janë vendosur snajperë në pikat kyçe të Pallatit Presidencial dhe janë kryer kontrolle nga qen të trajnuar posaçërisht deri në mbërritjen e Erdoganit për takimin me Katerina Sakellaropoulou dhe Kyriakos Mitsotakis. /Reporteri.net