Një foshnjë dy-ditëshe vdiq nga koronavirusi në Afrikën e Jugut. Ajo është një nga viktimat më të reja të Covid 19 në botë.

Foshnja lindi para kohe dhe kishte nevojë për ndihmë me frymëmarrjen, tha Ministri i Shëndetësisë.

Mediat e huaja shkruajnë se foshnjaqë kishte vetëm dy ditë jetë është në mesin e 27 viktimave në 24 orët e fundit në Afrikën e Jugut, transmeton Reporteri.

Deri më tani, 339 njerëz kanë vdekur në Afrikën e Jugut, dhe numri i rasteve të konfirmuara ka arritur në 18,000. Modeli i fundit i parashikimit tregon se 40,000 njerëz mund të vdisnin në Afrikën e Jugut.

Afrika e Jugut ka prezantuar ndër masat më shtrënguese në botë, duke përfshirë ndalimin e cigareve dhe alkoolit, dhe tani ka hequr disa kufizime.

Ndër viktimat e tjera më të reja të sëmundjes  është një foshnjë tre-ditëshe që vdiq më 5 maj në Britaninë e Madhe. Në atë rast, nëna dhe foshnja dolën pozitive pas lindjes.