Kur Pablo Escobar vendosi ta shndërronte fermën e tij në një kopsht zoologjik, ai nuk mund ta imagjinonte se çfarë do të ndodhte 27 vjet më vonë.

Edhe 27 vjet pas vdekjes së tij , Pablo Escobar vazhdon të shkaktojë probleme në Kolumbi dhe dhimbje koke për autoritetet, por këtë herë nga kafshët e tij.

Kafshët, Escobar i kishte sjellë në mënyrë të paligjshme në fermën e tij. Mes shumë kafshëve ishin edhe 4 hipopotamë, por që tani janë bërë 80.

Autoritetet janë mjaft të shqetësuar, pasi gjitarët po shkatërrojnë ekosistemin. Dhe jo vetëm kaq, kafshët e njohura për agresionin e tyre, shfaqen të dendura në rrugët e fshatrave të afërta, duke arritur të zhdukin të gjitha speciet e tjera që lulëzuan në zonë në vetëm dy dekada.

Sipas ekspertët, problemi ka të ngjarë të rritet në vitet e ardhshme.

Një studim i ri ka treguar gjithashtu se hipopotamet kanë ndryshuar ekuilibrin e ushqyesve në disa liqene lokale, duke kontribuar në lulëzimin e algave, i cili është i dëmshëm për shumë specie liqeni.